'ആത്മ സാക്ഷാത്കാരത്തിന്റെ വസന്തം'
മസ്കത്ത്‌: രിസാല സ്റ്റഡി സർക്കിൾ ഗൾഫ്‌ ചാപ്റ്റർ വിശുദ്ധ റബീഇൽ മീലാദ്‌ ക്യാമ്പയിൻ പ്രഖ്യാപിച്ചു. ആത്മ സാക്ഷാത്കാരത്തിന്റെ വസന്തം എന്ന ബാനറിൽ എല്ലാ ഗൾഫ്‌ രാജ്യങ്ങളിലുമാണ്‌ ക്യാമ്പയിൻ. ക്യാമ്പയിന്റെ ദേശീയ തല പ്രഖ്യാപന സംഗമങ്ങൾക്ക്‌ തുടക്കമായി. മസ്കത്തിൽ ഒമാൻ ആർ.എസ്‌.സി. ദേശീയ തല പ്രഖ്യാപനം റൂവി അൽ കൗസർ മദ്രസയിൽ നടന്നു. സംഗമത്തിൽ ശാഹുൽ ഹമീദ്‌ തൃശൂർ കർമ്മ പദ്ധതികൾ വിശദീകരിച്ചു. ക്യാമ്പയിന്റെ സോണൽ പ്രഖ്യാപന സമ്മേളനങ്ങൾക്ക്‌ സംഗമത്തിൽ രൂപം നൽകി. ഫെബ്രുവരി 20ന്‌ മസ്കത്ത്‌, സീബ്‌, സോഹാർ സൂർ, സലാല എന്നീ സോണലുകളുടെ പരിപാടികൾ യഥാക്രമം റൂവി, അൽ കൂട്‌, സോഹാർ, സൂർ, ഹാഫ എന്നിവിടങ്ങളിൽ നടക്കും. മൗലിദ്‌ സംഗമങ്ങൾ, സെമിനാർ, ലഘുലേഖ വിതരണം, വിജ്ഞാന പരീക്ഷ, ജീവകാരുണ്യ പ്രവർത്തനങ്ങൾ, പരിസര ശുചീകരണം തുടങ്ങിയ വിവിധ പരിപാടികളാണ്‌ ക്യാമ്പയിൻ കാലയളവിൽ നടപ്പാക്കുന്നത്‌. ചെയർമാൻ സഹീർ മുസ്ലിയാർ അധ്യക്ഷത വഹിച്ചു. നിസാർ സഖാഫി, ജമാൽ കുറ്റ്യാടി, ഇൽയാസ്‌ രാമന്തളി, ആരിഫ്‌ തുടങ്ങിയവർ പങ്കെടുത്തു.
16/02/2009
http://www.ssfmalappuram.com/
Posts
No comments:
Post a Comment