തൃശൂർ: ഈമാസം 13ന് നടക്കുന്ന ജില്ലാ മീലാദ് റാലിയിൽ ജില്ലാസംയുക്ത ഖാസി സയ്യിദ് ഇബ്റാഹിം ഖലീൽ തങ്ങൾക്ക് പൗരസ്വീകരണം നൽകും. സംയുക്ത മഹല്ല് ജമാഅത്ത് പ്രസിഡന്റ് താഴപ്ര മുഹ്യദ്ദേീൻകുട്ടി മുസ്ലിയാരുടെ അധ്യക്ഷതയിൽ മീലാദ് സ്വാഗത സംഘം ജില്ലാ ചെയർമാൻ സയ്യിദ് ഫസൽ തങ്ങൾ യോഗം ഉദ്ഘാടനം ചെയ്തു. എസ് വൈ എസ് ജില്ലാ ജനറൽ സെക്രട്ടറി ആർ വി എം ബഷീർമൗലവി, എസ് എസ് എഫ് ജില്ലാ പ്രസിഡന്റ് റഫീഖ് ലത്വീഫി, എസ് എം എ ജില്ലാ പ്രസിഡന്റ് പി എം എസ് തങ്ങൾ ബ്രാലം, ജംഇയ്യത്തുൽ മുഅല്ലിം ജില്ലാ സെക്രട്ടറി സുദീർസഖാഫി സംസാരിച്ചു.
സെക്ടർ കോ ഓർഡിനേഷൻ ഫോറം രൂപവത്കരിക്കും
സെക്ടർ കോ ഓർഡിനേഷൻ ഫോറം രൂപവത്കരിക്കും
തൃശൂർ: 13ന് തൃശൂരിൽ നടക്കുന്ന മീലാദ് റാലിയിൽ ജില്ലയിലെ 33 സെക്ടറുകളുടെ ബാനറിനു കീഴിൽ പ്രവർത്തകരെ അണിനിരത്തുന്നതിന് സംയുക്ത സംഘടനകളുടെ ജില്ലാ ലീഡേഴ്സ് മീറ്റിൽ ധാരണയായി. സെക്ടർ പരിധിയിലെ ജംഇയ്യത്തുൽ ഉലമ, എസ് വൈ എസ്, എസ് എസ് എഫ്, ജംഇയ്യത്തുൽ മുഅല്ലിം, എസ് എം എ നേതാക്കൾക്കു കീഴിൽ നൂറുകണക്കിന് പ്രവർത്തകർ അതാത് സെക്ടർ ബാനറിനു കീഴിൽ അണിനിരക്കും. എസ് ബി ഏശിന്റെ വിവിധ ദഫ്, സ്കൗട്ട് സംഘങ്ങളും അണിനിരക്കുന്ന മീലാദ്റാലി ക്രമീകരണത്തിലും പ്രവർത്തക ബാഹുല്യം കൊണ്ടും ശ്രദ്ധേയമാക്കാൻ സംയുക്ത ജില്ലാ നേതാക്കളാണ് സെക്ടർ കേന്ദ്രങ്ങൾക്ക് നേതൃത്വം നൽകുന്നത്.
ജില്ലാ നേതാക്കൾക്ക് കീഴിലായി സെക്ടർ കോഓർഡിനേഷൻ ഫോറങ്ങൾ നിലവിൽവരുത്തുന്നതിന് ഡിവിഷൻതല കൺവീനർമാരായി ഐ മുഹമ്മദ്കുട്ടി സുഹ്രി (കൊടുങ്ങല്ലൂർ), സയ്യിദ് ഫസൽതങ്ങൾ (ചാവക്കാട്), പി എം എസ് തങ്ങൾ (ഇരിങ്ങാലക്കുട), എം കെ മൊയ്തീൻകുട്ടി മുസ്ലിയാർ (പാലപ്പിള്ളി), എം വി എം അഷറഫ് ഒളരി (തൃശൂർ), സുധീർ സഖാഫി (ചേലക്കര), ആർ വി എം ബഷീർ മൗലവി (വടക്കേക്കാട്), എം എം ഇബ്റാഹിം (കുന്നംകുളം) എന്നിവരെ ചുമതലപ്പെടുത്തി.
www.ssfmalappuram.com
No comments:
Post a Comment